O detective Conan

A numeración galega dos episodios correspóndese coa enumeración internacional, que divide os especiais cunha duración superior aos 30 minutos en capítulos de media hora. En consecuencia, o episodio 11 («Os asasinatos da Sonata ao Luar (1.ª parte)») e o episodio 12 («Os asasinatos da Sonata ao Luar (2.ª parte)») constitúen para o público nipón un único capítulo especial dunha hora.

O bloque de episodios do 1 ao 300 dobrouse en Sodinor; os conxuntos do 301 ao 332 e do 746 ao 775, en Babalú Studios; e a fornada do 333 ao 350, en Cinemar Films.

A partir do episodio 301 comezaron a recrearse os letreiros de presentación de personaxes e a traducirse algúns textos inseridos na pantalla.